Pèr sauva uno lengo trouban pas gaire de plaço sus soun escalo.
De noste quartié poudèn ana pica à la porto de la Coumuno. Pecaire, trop pichoto i’an mes en dessus la Coumunauta d’agloumeracioun vo coumunauta urbano, aquéli d’aqui rousigon lou Cantoun, pamens lou Cantoun sèr toujour pèr elegi li Counseié generau au nivèu dóu despartamen. Aquéu Counsèu Generau trop à l’estré dins un soulet despartamen, i’an apoundu en dessus lou Counsèu Regiounau, encò nostre ié dison encaro Regioun PACA, tant soulamen an pas vist que pèr l’Éuropo falié de regioun mai counsequènto, adounc vuei nous an plaça dins un nouvèu territòri, nouvèu amoulounamen d’ancian despartamen e vièii regioun, la Regioun Sud-Est, se vous plais !
Lioun e Marsiho, perqué pas, li parla prouvençau e francò-prouvençau tenon la mage part d’aquéu terraire…
D’ùni aurien miés ama Toulouso e Marsiho pèr la couninuëta de la lengo d’oc, mai en demoucracìo chausissèn pas…
Basto, dins nosto regioun dóu levant miejournau voutaren mai pèr l’òli e faren l’aiòli.